phoolon mein hoti hai wo khushbu

 

phoolon mein hoti hai wo khushbu

jo man ko bhaa jaati hai

jo is man ko chhute hi

ek madhur geet ban jaati hai

vibhinnataa hoti hai rango mein inke

jinki man mein tasveer ban jaati hai

in phoolon mein hoti hai itni kashish

jo har dil ko lubhaa jaati hai

jab inhi phoolon ko joda jaye

to ek manmohak maala ban jaati hai

jise arpit karo bhagvaan ko

to ye araadhana ban jaati hai

jise arpit kar do shaheedon ko

to yahi shraddhaanjali ban jaati hai

ye hai wo sundar phoolon ki daastaan

jo har dil mein samaati hai.