Ek Chand Tanha Khara Raha Mere Aasmaan Se Zara Pare,

Mere Saath Saath Safar Me Tha Meri Manzilon Se Zara Pare,

Teri Justuju Ke Hisaar Se Tere Khawaab Tere Khayal Se,

Main Wo Shakhs Tha Jo Khara Raha Teri Chahaton Se Zara Pare,

Kabhi Dil Ki Baat Kahi Na Thi Jo Kahi To Wo Bhi Dabi Dabi,

Mere Lafz Poore To Thay Magar Teri Smaaton Se Zara Pare,

Tu Chala Gaya Mere Humsafar Zara Dekh Mur Ke To Ek Nazar,

Meri Kashtiyaan Hain Jali Hui Tere Saahilon Se Zara Pare.