Ik mauj-e-samndar-e-qaynaat hai zindagi

Khud hi jwaab aur swaalaat hai zindagi

Khud ki talaash yeh safar-e-hyaat

Abhi din ki aarzu ab justju-e- raat

Kuch jaani pehchani raahon pay

UmroN kay qaafilay

Ghardish-e-doraaN main pinha manzilaiN

Kabhi manzil ka pa laina

Phir us say uqta jaanaa

Yeh shauq-e-manzil nahi

Shayud jeenay ka bus bahaanaa

Jab bar gayi bahut tanhai

Banaya phulsupha-e-khudai

But banayay banai azaanaiN

Phir sajaai rishton ki dukaanaiN

Jab jab bhi khud say uqtaiya insaaN

Daur-e-wehshat main laut aayaa insaaN

Is hajoom-e-zindagi main tanha hai har koi

Bus giraphat-e-khwaab-e-bahaanaa hai har koi

Ik bhatkan umr kay jaNgloN main

Liyay beqasi-e-namaloom diloN main

Har koi jiyay jaataa hai

Dard-o-masarrat kay ajab saNgam ko

Unwaan-e-zindgai diyay jaataa hai