Apane Khwaboon mein tujhe jis ne bhi dekhaa hoga

Aankh khulate hi tujhe dhoond-ne nikala hoga

Zindagi sirf tere naam se mansoob rahe

Jaane kitane hi dimaagoon ne ye socha hoga

Dost ham us ko hi paigaam-e-karam samajhenge

Teri furqat ka jo jalata huaa lamha hoga

Daaman-e-zist mein ab kuch bhi nahin hai baaqi

Maut aye to yaqinan use dhoka hoga

Raushani jis se utar aye lahoo mein mere

Ai masihaa wo mera zakhm-e-tamannaa hoga